Ракамли ресурслардан-электрон мактаб сари
Sham'i anjumanБаҳром Умаров,
Сурхондарё вилоят ПКҚТМОИ
Алламурод Беккулов,
катта ўқитувчи
Аниқланганлигидек, тажрибалар натижасида олган билимлар унинг қаерда олинганлиги ва қайси шароитларда кўпроқ фойдаланилишига боғлиқ ҳолда ривожланади. Шу боис ўқув-билув фаолияти жараёнида иш ўрни муҳити таъсирини ҳисобга олиш лозим бўлади.
Биз яшаб турган муҳит босқичма-босқич рақамлига айланмоқда. Рақамли жамият ҳақида халқаро саммитларда давлатлар раҳбарлари гапиришмоқда ва сайловлар тизимини интернет орқали апробациядан ўтказишмоқда, дунёдаги катта корпорациялар виртуал офислар яратишмоқда. Энг асосийси эса, замонавий болалар ўзларини “рақамлар” олами (телефонлар, портатив компьютер, рақамли телевидения) сиз тасаввур қила олишмайди.
Кўриниб турибдики, таълим тизимидаги анъанавий педагогикада анчагина сезиларли ўзгаришлар юз берган. Бу ерда асосий масала техноло-гияларни қўллаш ёки қўлламаслик ва ҳаттоки, уни қандай қўллаш ҳақида эмас, балки ҳар қандай янги технологияларнинг ривожланиши педагогика имкониятларини кенгайтириши ҳақидадир. “Техника фақатгина мақсадга етишиш воситаси эмас. Техника–оддий восита эмас, техника–яширин нарсани очиш туридир. Бу яширин нарсаларни очиш, ҳақиқатни юзага чиқаришдир”, – деб ёзганди атоқли немис файласуф олими Мартин Хайдеггер.
Мактабларимизга фақат янги техник жиҳозларнинг берилиши таълим муаммоларини ҳал қилмайди. Агар улар бизнинг олдимизга қўйилган мақсадларни янгича талқинда қарамасак: кимни, нима учун ва қандай қилиб ўқитиш керак. Кўпинча у ёки бу замонавий техникани педагогик ёки бошқарув тизимида қўллаш ёки фойдаланиш масаласи у ўрнатилиб, жорий қилингандан кейин ўйлаб кўрилади. Реал педагогик амалиётда рақамли тизимларни қўллаш учун нафақат билимлар, балки мотивация ҳам етишмайди.
Рақамли мактаб – ҳар бир ўқувчисининг рақобатбардошлигини ошириш мақсадида ўзининг хусусиятларини (географик жойлашуви ва моддий ҳолати, педагоглар ва раҳбар ходимларнинг тайёрлиги ва бошқалар) билган ва ҳис этган ҳолда таълим жараёнида рақамли технологиялардан самарали фойдаланаётган таълим муассасасидир. Рақамли мактабнинг компьютер воситалари тўла тўкис ўқувчиларнинг мустақил билим олишлари учун йўналтирилади.
Замонавий, илғор, “рақамли” мактаб технологик янгиланишда, техникани жорий этишдан олдин биринчи навбатда нималарга эътибор бериши керак? Ушбу йўналишдаги асосий, муҳим саволлардан баъзиларини муҳокама қилиш 2012 йилнинг 25 август куни ўтказилган “Ёш ўқитувчиларнинг инновацион технологиялардан амалий фойдаланишга оид малакаларини шакллантириш муаммолари” мавзусидаги I интернет-конференцияда кўриб чиқишга ҳаракат қилинганди. Бу каби оддий бўлмаган саволларга дастлабки жавобларни биз интернет конференцияда иштирок этган республикамиз педагогларидан олишга сазовар бўлдик ва бугунги кунда шу йўналишдаги II конференцияни ўтказмоқдамиз.
Технологик янгиланиш жараёнини бошдан кечираётган илғор мактаб рақамли таълим муассасасига айланиши учун қуйидаги мақсадларни ўзининг асосий иш фаолияти этиб белгиланиши лозим:
ü мактаб жамоаси олдига аниқ стратегик мақсадини қўйиш;
ü уларнинг бу мақсад моҳиятини англаш;
ü дарснинг таълимий-тарбиявий ва дидактик мақсадларини ҳал қилиш йўлларини рақамли ресурслар ёрдамида яратиб, уларнинг тўғрилигини аниқлашга киришиш;
ü қўйилган масала ечимини топиш ва воқеалар ривожини кузатиб, сабаб, ўрганиб оқибат алоқаларини ўз мантиқли, асосли хулосаларини юзага келтириши.
Ҳозирда аксарият таълим муассасалари ўз “рақамли педагогикаси– рақамли мактаби”ни яратиш устида изланишлар олиб боришмоқда. Рақамли педагогика кенг жамоатчилик, таълимни бошқариш органларининг қўллаб-қувватлаши натижасида барча учун очиқ тизимга айланиши ҳар қандай таълим муассасаси учун “техник-педагогик” моделни яратиш, тажриба алмашиш, уни тарқатиш ва ўзи бажараётган ишдан қониқиш, роҳатланиш имкониятини беради.
Ушбу масалани муҳокама қилиш учун бир қатор саволларга жавоб беришингизни таклиф қиламиз.
Сизнинг таълим муассасангиз рақамлими?
Саволлар
Ҳа/йўқ
Ўқув жараёни
- Янги техникалар жорий қилинганда ижодий фаолиятга, креатив фикрлашни ривожлантиришга, ностандарт фикрлашни рағбатлан-тиришга, лойиҳалаш маданиятини оширишга шароитлар яратил-дими?
- Таълимни шахсга йўналтиришга имкониятлар яратилганми?
- Ўқув материалини кўриш, эшитиш, ўқиш орқали қабул қилувчи болалар хусусиятлари ҳисобга олинганми?
- Таълим муассасаси йўналишига қараб қурилмалар, дастурлар, ўргатувчи комплексларни мослаштириш тизими мавжудми?
- Ўқиш жараёнини анъанавий мактаб муҳитидан ташқарига кўчириш имконияти мавжудми?
- Техник воситалар комплекси ўқувчиларга мустақил ўқиш имкониятини берадими?
- Таълим беришда янги дидактик ёндашувларга эҳтиёж пайдо бўлдими?
- Ўқув машғулотларини ўтказиш шакли ўзгардими?
Таълим муассасасини бошқариш
- Ўқувчилар, ўқитувчилар, ота-оналар бир тармоқдаги муносабатларга жалб қилинганми?
- Ички диалог ва коммуникациялар йўлга қўйилганми?
- Қурилмалар билимлар назоратини самарали олиб боришга ва тартибни сақлашга ёрдам берадими?
- Таълим муассасаси ҳақидаги барча ахборотлар унга қизиқувчилар ва керак бўладиганлар учун очиқми, ҳар доим олиш имконияти мавжудми?
- Хўжалик-молиявий фаолиятни олиб бориш ва мониторинги самарадорлиги ортдими?
Педагогик жамоа
- Ўқитувчи роли ўзгардими, у ўқув жараёнининг энг яхши ташкил этувчисига айландими?
- Қабул қилинган қарорлар ижодкорликни рағбатлантир-яптими?
- Ўз “билимлар базаси”ни тўлдириб бориш ва интеллектуал маҳсулотлар яратишга ёрдам беряптими?
- Қабул қилинган қарор ва ечимлар ўқувчилар таълимини кузатиб бориш ва тадқиқотлар ўтказиш имкониятини беряптими?
- Коммуникацияларнинг янги шаклларини ривожлантиришга ёрдам беряптими?
Муҳит
- Тизимли жиҳозланишдан кейин таълим муассасаси муҳити гармоникми?
- Таълим муассасасининг ўз стили, руҳи пайдо бўлдими?
- Таълим муассасаси ундан кетишни эмас, балки унинг бошқа ҳудудига ўтишни истайдиган даргоҳга айландими?
- Ҳаттоки деворлар ҳам ўқув жараёнида ишлатиляптими?
- Бошқа рақамли педагогикага ўтган таълим муассасалари билан алоқалар ўрнатишга эҳтиёж пайдо бўлдими?